Festojnë lirinë e Kosovës, shpërblejnë suksesin e nxënësve!
Në SHFMU “Mulla Idris Gjilani”, në Velekincë, u organizua një program me rastin e Ditës së Çlirimit të Kosovës – 12 Qershorit.
Aktiviteti u hap me fjalën e rastit të drejtorit të shkollës, Zaim Zymeri i cili theksoi rëndësinë e kësaj date historike dhe nevojën për të nderuar sakrificën e të gjithë atyre që kontribuuan për lirinë e vendit tonë.
Programi vazhdoi me poezi, ese dhe monologë të interpretuar nga nxënësit, të cilët përmes artit dhe fjalës përcollën mesazhe patriotike dhe reflektime mbi rrugëtimin e Kosovës drejt lirisë.
Në kuadër të aktiviteteve u zhvillua edhe një test njohurish, ndërsa nxënësit me rezultatet më të mira u vlerësuan me shpërblime për suksesin, përkushtimin dhe angazhimin e tyre. Në kuadër të këtij aktiviteti, nxënësit me rezultatet më të mira nga secila klasë, u shpërblyen me biçikleta,
- Nga klasa e gjashtë u vlerësuan: Unik Isaku dhe Pranvera Jashari
- Nga klasa e shtatë, Marlin Asllani
- Nga klasa e tetë, Bardh Shkodra dhe
- Nga klasa e nëntë, Nurije Bajrami
“I përgëzojmë për suksesin e tyre dhe u dëshirojmë arritje edhe më të mëdha në të ardhmen. Falënderojmë për pjesëmarrjen e tyre në këtë aktivitet: Fadil Ademi (Këshilltar Komunal), Skender Bajrami (Kryetar i Fshatit), Lulzim Jahiu (Kryetar i Këshillit të Prindërve), prindërit e nxënësve, dhe të gjithë pjesëmarrësit e tjerë”, ka thënë drejtori Zaim Zymeri. /2LONLINE/