Fermerët përfitojnë nga Projekti i Komunës së Vitisë dhe Fondacionit Kosovë-Luksemburg

/2L ONLINE/ – Në kuadër të një projekti të përbashkët në mes të Komunës së Vitisë dhe të Fondacionit Kosovë-Luksemburg dje në Kabash të Vitisë është bërë shpërndarja mekanizmave bujqësore për një fermer nga ky fshat. Për ndryshe nga Komuna e Vitisë nga ky projekt kanë përfituar 19 qytetarë nga kjo komunë.

Kryetari i Komunës së Vitisë, Sokol Haliti dhe Drejtori për Bujqësi, Pylltari dhe Zhvillim Rural, Veton Ademi dhe të tjerë kanë vizituar sot fermerin përfitues nga komuna e Vitisë i cili përmes projektit të përbashkët të Komunës së Vitisë dhe të Fondacionit Kosovë-Luksemburg ka përfituar 8 mekanizma bujqësore.

Me rastin e pranim dorëzimit të këtyre mekanizmave bujqësore, Kryetari i Komunës së Vitisë, Sokol Haliti ka uruar fermerin për këtë donacion të fituar duke i dëshiruar suksese në punë. “ Me lejoni të ju uroj për këtë donacion të fituar, njëherë përmes këtyre mekanizmave bujqësore ju do ta keni sigurisht edhe më lehtë ta punoni tokën. “ u shpreh Kryetari Haliti.

Ndërkaq Veton Ademi, Drejtor i Drejtorisë për Bujqësi, Pylltari dhe Zhvillim Rural tha se në kuadër të këtij projekti kanë përfituar 19 fermerë nga kjo komunë dhe atë në fushat e ndryshme.

“Përmes këtij projekti të rëndësishëm kanë përfituar 19 fermerë tanë dhe atë kryesisht në fushën e bujqësisë, por edhe në fushat e tjera si artizanalet, frizerët etj “ u shpreh Ademi.

Ai bëri me dije se ky fermer nga fshati Kabash ka përfituar 8 mekanizma bujqësore për levartari dhe kultivimin e patates. /2L ONLINE/