Fenerbahçe pranon shitjen e Vedat Muriqit, ia cakton çmimin

Fenerbahçe e pranon shitjen e Vedat Muriqit, te secila skuadër që ofron mbi 20 milionë euro për sulmuesin kosovar. Krerët e gjigantit turk kanë thënë se janë të lumtur që Muriqi për pak muaj ka arritur të trefishojë vlerën e tij në treg.

Ersen Yanal e ka quajtur kosovarin si lojtar të domosdoshëm për skuadrën, por jo të pashitshëm.

“Secila skuadër që ofron mbi 20 milionë euro, mund ta transferoi Vedat Muriqin. Ka shumë skuadra të interesuara të interesuara për të dhe ne jemi të hapur kurdo për bisedime” ka thënë Yanal.

Muriqi ka shënuar 7 gola këtë sezon dhe është një nga lojtarët më të mirë në kampionatin turk.

Fenerbahce do të përdorë të njëjtën strategji sikur me lojtarin me prejardhje shqiptare, Elif Elmas të cilin e kishte blerë shumë lirë, por e kishte shitur pas një edicioni për 16 milionë euro te Napoli.