(2L ONLINE) – Grupi i grave te Vitisë ne bashkëpunim me QKMF- Viti, ne kuadër te muajit për parandalimin e kancerit te gjirit,ka mbajtur nje ligjërate ne fshatin Lubishte të Komunës se Vitisë, ku kanë marrë pjesë mbi 60 gra e vajza te këtij fshati dhe fshatrave për rreth.
Ligjërata është mbajtur nga Dr.Xhilsime Qamili dhe Dr.Vjollca Kadolli-Halili,te cilat shpjeguan për sëmundjen e kancerit te gjirit, vetëkontrollin, ekzaminimin klinik dhe masat qe duhen te merren për parandalim te kësaj sëmundje të rëndë.
Pjesëmarrëset në këtë takim parashtruan pyetje te ndryshme sidomos për mënyrën e detektimit te hershem të kësaj sëmundje. Ne fund të këtij takimi pjesëmarrësit janë ftuar që te premten me 31. tetor t’i bashkohen Marshit te organizuar nga Grupi i Grave te Vitisë, DKRS dhe OJQ-Legjenda i cili do te mbahet ne Qendër te qytetit para Shtëpisë se Kulturës ne ora 12:00h./2L ONLINE/