Fëmijët e Shurdhanit i gëzohen parkut të lodrave

/2L ONLINE/ – Fëmijët e fshatit Shurdhan iu janë gëzuar më së shumti rregullimit të parkut të lodrave për fëmijë parashkollor, inaugurimi i të cilit është bërë sot në Shkollën fillore “Bajram Curri”, të këtij fshati.

Fal angazhimit të edukatores së shkollës “Bajram Curri”, Valentina Jashari, në bashkëpunim me Kryqin e Kuq, përfaqësuar nga Shqipe Hoti, është fituar projekti për rregullimin e parkut të fëmijëve parashkollor, të kësaj shkolle, me vendosjen e lodrave në park.

Projekti është përkrahur nga KFOR-i italian MSU Carabinier Col. Francesco Maria Chiaravalloti, App. Livio Bellone dhe Mar. Cap Bruno Ravenda, derisa Drejtoria e Shërbimeve Publike ka ofruar përkrahje me rërë për vendosjen e lodrave.

Pjesëmarrës në ceremoninë e inaugurimit të këtij parku të lodrave për fëmijë kanë qenë përfaqësues nga Drejtoria e Arsimit-Gjilan, të Kryqit të Kuq të Kosovës, përfaqësues të fshatit, nxënës, mësimdhënës e të tjerë, me këtë rast Qemajl Ramadani, drejtor i shkollës “Bajram Curri” i ka falënderuar të gjithë që janë angazhuar për të jetësuar këtë projekt, dhe për këtë edhe janë ndarë mirënjohje, derisa edukatorja Valentina Jashari, ka falënderuar KFOR-in, në emër të fëmijëve të kësaj ane, pasi që ata tani do të ndihen të barabartë me fëmijët e zonave urbane.

Ajo shpreson se ky bashkëpunim me KFOR-in Italian MSU , do të vazhdojë edhe në të ardhmen me realizimin e projekteve tjera. /2L ONLINE/