Fëmijët e Çerdhes “Gëzimi Ynë “ njoftohen rreth rëndësisë që ka shëndeti oral

(2L ONLINE) – Me moton Dhëmbë të shëndosh, fëmijë të lumtur sot në Çerdhen “Gëzimi Ynë “ në Viti janë shënuar aktivitete të ndryshme që kanë për qëllim promovimin dhe ngritjen e vedijes tek fëmijët për shëndetin oral, konkretisht rëndësinë që ka ajo në mbajtjen e dhëmbëve të pastër.

Para fëmijëve të kësaj çerdhe është paraqitur edhe një shfaqje teatrale e cila trajtonte të njëjtën temë. Gjithashtu fëmijët kanë pranuar dhurata si dhe brusha për pastrimin e dhëmbëve.

Kryetari i Komunës së Vitisë, Sokol Haliti i cili ishte i pranishëm gjatë këtij aktiviteti theksoi se mbi të gjitha është shëndeti i fëmijëve dhe të brezave të ardhshme.

”Shëndeti i fëmijëve tanë është shumë i rëndësishëm në këtë bënë pjesë edhe shëndeti oral andaj projekti si ky që po implementohet sot është shumë i rëndësishëm në ngritjen e vedijës tek brezat e ardhshme që do të vijnë ” u shpreh Haliti.

Ai duke folur për institucionet parashkollore theksoi se Komuna e Vitisë do ti shikon mundësitë që të bëhet një rivitalizimin në çerdhen e qytetit.

Ndërkaq Hanife Jonuzi, Drejtoreshë e Çerdhes “Gëzimi Ynë “ në Viti falënderojë institucionet komunale por edhe ato qendrore që kontribuon në organizimin e këtij aktiviteti duke e cilësuar si shumë të rëndësishme.

Gjatë aktivitetit të sotëm që është mbajtur nën organizimin e Komunës së Vitisë, Qeverisë së Kosovës dhe DentiGroup para fëmijëve të kësaj çerdhe është paraqitur edhe një shfaqje teatrale e cila trajtonte të shëndetin oral.

Gjithashtu fëmijët kanë pranuar dhurata si dhe brusha për pastrimin e dhëmbëve. /2L ONLINE/