Fehmi Sherifi, një karrierë e mbushur me suksese në sportin shkollor
Nga: Bedri Ajeti
Arsimtari i Edukatës Fizike, Fehmi Sherifi nga fshati Lladovë, gjatë karrierës së tij ka dhënë një kontribut të çmuar në edukimin fizik dhe zhvillimin e sportit shkollor, duke punuar me përkushtim me gjenerata të shumta nxënësish në Shkollën Fillore të Mesme të Ulët “Agim Ramadani” në Zhegër dhe në paralelen e ndarë në Lladovë.
Përmes punës së palodhshme, disiplinës dhe angazhimit të vazhdueshëm, ai ka arritur rezultate të shumta sportive, duke e përfaqësuar shkollën me dinjitet dhe duke ndihmuar nxënësit të arrijnë suksese në gara komunale, regjionale dhe republikane.
Sukseset dhe mirënjohjet
* 32 kupa dhe 85 medalje të fituara në shkollë.
* 100 mirënjohje të fituara në shkollë.
* Gjatë 10 viteve, duke përfshirë edhe rezultatet e nxënësve, numri i mirënjohjeve dhe medaljeve tejkalon 500 për secilën kategori.
Ping-pong
* 12 vite radhazi kampion komunal.
* 6 vite radhazi kampion regjional.
* Kampion republikan në vitin 2018, në Ferizaj.
* Nënkampion republikan në vitin 2019, në Ferizaj.
* Vendi i tretë në nivel vendi në vitin 2023.
Futsall – djemtë
Kampion komunal në datat:
* 06.06.2019
* 24.09.2019
* 19.03.2021
Futsall – vajzat
Nënkampione komunale në datat:
* 25.05.2022
* 13.03.2023
Hendboll
* Kampion komunal në vitin 2024.
* Kampion komunal në vitin 2025.
* Nënkampion republikane në vitin 2026
Të gjitha këto rezultate dëshmojnë përkushtimin dhe punën shumëvjeçare të arsimtarit Fehmi Sherifi në zhvillimin e sportit shkollor. Kontributi i tij nuk matet vetëm me kupa, medalje dhe mirënjohje, por edhe me edukimin e brezave të rinj, zbulimin e talenteve dhe kultivimin e vlerave të disiplinës, bashkëpunimit dhe respektit për sportin.
Respekt dhe mirënjohje për arsimtarin Fehmi Sherifi, nga Lladova, për kontributin e tij të çmuar në Shkollën “Agim Ramadani” në Zhegër dhe në paralelen e ndarë në Lladovë, si dhe për të gjitha sukseset e arritura ndër vite së bashku me nxënësit.
Puna dhe rezultatet e tij mbeten dëshmi e rëndësisë së arsimtarit në edukimin, motivimin dhe formimin e brezave të rinj përmes sportit. /2LONLINE/