Federata çeke shet biletat në mënyrë tradicionale, njoftim i rëndësishëm para ndeshjes Çeki – Kosovë

Ndeshja vendimtare e grupit A në eliminatoret e Kampionatit Evropian mes Republikës së Çekisë dhe Përfaqësueses së Kosovës do të zhvillohet më 14 nëntor me fillim nga ora 20:45 në “Doosan Arena”.

Tashmë, Federata e Futbollit të Çekisë ka bërë përgatitjen e duhur për shitjen e biletave, derisa ka treguar edhe se si do të funksionojë sistemi i ri.

Pse do të shiten biletat drejtpërdrejtë?

Për arsye sigurie, nuk është e mundur që biletat të shiten në mënyrën e vjetër. Andaj, biletat në internet nuk janë fare në dispozicion.

Federata çeke ka bërë me dije se biletat do të shiten drejtpërdrejtë për shkaqe sigurie.

Numri një i futbollit çek Martin malik ka shpjeguar në detaje.

Për kë janë të destinuara biletat?

Derisa tifozët e Kosovës kanë 627 bileta në dispozicon ku do të munden t’i blejnë në Federatën e Futbollit të Kosovës, çekët do të kenë sistem më ndryshe.

Atyre do t’u kontrollohen edhe të dhënat personale në ditën e ndeshjes.

Gjithashtu, bëhet e ditur se Federata çeke ua ka ndaluar hyrjen shtetasve të huaj, edhe atyre me leje qëndrimi në Çeki për ‘shkaqe sigurie’.

Metodat e shitjes së biletave?

Biletat elektronike nuk janë më në dispozicion. Tavolinat ku do të shiten biletat do të jenë të hapura çdo ditë të javës nga ora 09:00 deri 17:00.

Ndryshe, Biletat ndahen në tre kategori çmimesh. Më e lira kushton 11 euro për kategorinë III, për kategorinë II kushtojnë 19 euro, ndërsa për kategorinë I kushtojnë 29 euro.

Gjithashtu, në dispozicion ka edhe bileta VIP, të cilat mund të blihen që nga dita e nesërme.

Çmimi i tyre varion nga 97 euro deri në 135 euro.

Tifozët e Kosovës mund t’i blejojnë biletat përmes FFK-së, ku vetëm 627 vende janë të rezervuara për ta.