FC Drita: Udhëtimi ynë evropian vazhdon sonte kundër Rayo Vallecano – Ne hyjmë në fushë me krenari, vendosmëri dhe besim

Kampionia e Kosovës, FC Drita, do të luaj sonte ndeshjen e gjashtë, të fundit, të fazës së ligës në UEFA Conference League, kundër Rayo Vallecano-s, duke shpresuar në rezultat pozitiv dhe në atë se, pikët e grumbulluara do t’ia mundësojnë garimin tutje në këtë garë të rëndësishme. 

“Udhëtimi ynë evropian vazhdon sonte kundër Rayo Vallecano-s. Ne hyjmë në fushë me krenari, vendosmëri dhe besim”, thuhet në postimin e klubit Drita.

Kampionia e Kosovës, skuadra bardhë e kaltër, ka një bilanc pozitiv në këtë fazë të garave, me dy fitore, dy barazime dhe një humbje, duke grumbulluar tetë pikë.

Ndeshjen e sontme në UEFA Conference League, Drita do ta zhvillojë kundër skuadrës spanjolle Rayo Vallecano, në Estadio de Vallecas ,në Madrid, me fillim nga ora 21:00. /2LONLINE/