FC Drita synim të vetëm rezultatin që e kualifikon tutje në UEFA Liga e Europës

Skuadra gjilanase e futbollit, FC Drita sonte do të përballet me skuadrën rumune, Steaua (FCSB), ndeshje kjo e kthimit, e rrethit të tretë kualifikues të UEFA Europa League, në të cilin ballafaqim, gjilanasit kërkojnë rezultatin që e kualifikon tutje.

Siç dihet, ndeshja parë përfundoi me fitoren e FCSB-së me rezultat 3-2, ndonëse Drita kishte epërsinë prej 2 me 0, por që kjo epërsi në fund ishte përmbysur.

Ndeshja e Dritës kundër FCSB-së, luhet në “Fadil Vokrri” në Prishtinë, me fillim nga ora 20:00, ndërsa pritet që mijëra “intelektualë”, në tribunat e stadiumit, të jenë mbështetësit e fuqishëm të skuadrës së tyre, për t’i dhënë edhe më shumë zemër skuadrës, që për objektiv ka kalimin e këtij rrethi dhe vazhdimin garën tutje në UEFA Europa Ligë. /2LONLINE/