FC Drita sonte mirëpret skuadrën Tre Fiori, me synim të kualifikimit tutje

Kampionia e Kosovës, FC Drita, sonte në “Fadil Vokrri”, luan ndeshjen e kthimit të raundit të tretë kualifikues të Ligës së Konferencës kundër skuadrës nga San Marino, Tre Fiori

Skuadra gjilanase pret fitore dhe kualifikim tutje, duke pas parasysh edhe avantazhin e madh nga ndeshja e parë që “bardh e kaltërtit” e fituan 4:1.

Tash, gjilanasit janë pranë objektivit të radhës në garat evropiane, por para tyre janë edhe 90 minuta në të cilat duhet të menaxhojnë epërsinë e krijuar.

FC Drita  – Tre Fiori do të luhet në stadiumin “Fadil Vokrri”, në Prishtinë,  duke filluar prej orës 20:00, ndërkohë që për të gjitha ata adhurues të futbollit dhe të skuadrës së Dritës, që  për ndonjë arsye nuk mund të jenë në tribunat e stadiumit, kujtojmë se ndeshjen mund ta ndjekin drejtpërdrejt në RTK1. /2LONLINE/