FC Drita siguron titullin e kampionit tri javë para përfundimit të Kampionatit

Fc Drita e ka siguruar matematikisht titullin kampion të Kosovës për edicionin 2025/26, tri xhiro para përfundimit të kampionatit, pas fitores 2:0 ndaj rivalit direkt, Ballkanit në ndeshjen e javës së 33-të të AlbiMall Superligës së Kosovës në Futboll.

Kjo për faktin se Drita tani ka 66 pikë duke lënë mbrapa Ballkanin me 11  pikë diferencë.

Përndryshe, në ndeshjen e sotme që u luajt në stadiumin ndihmës në Gjilan, skuadra e Dritës ishte më e mirë se Ballkani  dhe shënoi fitore 2 me 0, me golat e Besnik Krasniqit dhe Abdoul Karim Dante.

Ky është trofeu i pestë i kampionit për Dritën, pas atyre të fituar në edicionet 2002/03, 2017/18, 2019/20 dhe 2024/25.  Përveç titullit të kampionit, Drita e ka siguruar pjesëmarrjen në fazën e parë kualifikuese të UEFA Champions League.   /2LONLINE/