FC Drita shkruan historinë, kualifikohet në fazën e grupeve

FC Drita nga Gjilani ka arritur të kalojë në fazën e grupeve të UEFA Ligës së Konferencës pasi edhe në ndeshjen e dytë, atë kthyese të fazës së ‘Play-off-it, ’ kundër skuadrës nga Luksemburgu, FC Differdange 03, ka shënuar fitore me rezultat 1:0.

Besnik Krasniqi në minutën e 61-të shënoi gol nga penalltia.

Siç dihet ndeshjen e parë kundër skuadrës së Luksemburgut, të luajtur në stadiumin “Fadil Vokrri”, në Prishtinë, FC Drita e kishte fituar me rezultat 2:1.

Kështu, me rezultat të përgjithshëm prej 3:1, Kampioni i Kosovës, FC Drita kualifikohet në fazën e grupeve të UEFA Ligës së Konferencës, duke shënuar kështu një sukses historik. /2LONLINE/