FC Drita përmbylli fazën përgatitore në Bansko

“Sot ishte dita jonë e fundit e përgatitjeve në Bansko të Bullgarisë”, thuhet në një njoftim të FC Drita, për të bërë të ditur se përgjatë periudhës dymbëdhjetë ditore kanë zhvilluar edhe disa ndeshje kontrolluese, të cilat u kanë shërbyer mjaftë shumë për të qenë sa më të gatshëm për ndeshjen e cila e pret këtë skuadër gjilanase në raundin e parë në garat e Champions League.

“E mira e kësaj faze ka qenë që të gjithë lojtarët kanë marrë ngarkesat e duhura dhe nuk ka pasur ndonjë shqetësim apo ndonjë lëndim në përjashtim të Egzon Bejtullait i cili dy ditët e fundit nuk ka stërvitur me ekipin për shkak të një lëndimi dhe pritet të rikthehet me ekipin në fundjavë”, thuhet tutje në njofitm.

Ndeshjet kontrolluese të zhvilluara në Bansko:

Game 1: CSKA 1948 – FC DRITA 1:0
Game 2: FC DRITA – SILEKS 2:2
Game 3: EGNATIA – FC DRITA 0:2
Game 4: BELASICA – FC DRITA 1:2
Game 5: FURAL Constanta – FC DRITA 1:3

Golashënuesit në pesë ndeshjet kontrolluese:

2x⚽️⚽️Arb Manaj
2x⚽️⚽️Liridon Balaj
1x⚽️Blerim Krasniqi
1x⚽️Albert Dabiqaj
1x⚽️Almir Ajzeraj
1x⚽️Veton Tusha
1x⚽️Endrit Morina

Pas kthimit në Gjilan, skuadra e Dritës do të grumbullohet ditën e enjte për të vijuar me përgatitjet në prag të ndeshjes e cila e pret me 8 korrik në stadiumin “Fadil Vokrri” në Prishtinë, ku do të ballafaqohet  me kampionin e Luksemburgut, skuadrën FC Differdange 03.  /2LONLINE/