FC Drita nuk e nis mbarë edicionin e ri të garave

FC Drita nuk e nis mbarë edicionin e ri të garave 2025/26. Skuadra gjilanase ka pësuar humbje nga skuadra e Ferizajt, në javën e parë të Superligës së Kosovës në futboll.

Skuadra e drejtuar nga kryetrajneri Zekrija Ramadanit ka pësuar gol në minutën e 12 të takimit (Jakup Berisha’), ndërkohë që nga minuta e 39’, ka luajtur edhe me një lojtar më pak, për shkak të ndëshkimit të Ovokua-s, i cili la fushën e blertë, para kohe.

Deri në fund të takimit nuk pati ndryshim në rezultat dhe doli që goli i Berishës të jetë vendimtar për vendësit, që arkëtuan tri pikët e para, derisa Drita mbeti pa pikë.

Përndryshe, në ndeshjet tjera u arritën këto rezultate:

Dukagjini- Prishtina 2:3

Drenica  – Llapi   0:0

Malisheva – Prishtina e Re 0:4.

Nesër (e hënë), luhet ndeshja tjetër në mes të Gjilanit dhe Ballkanit (ora 16:30), stadiumi me bari sintetik.  /2LONLINE/