FC Drita, më 24 maj organizon festën e titullit

FC Drita, ka bërë me dije se mbrëmjen e të së dielës, më 24 maj, te Teatri i Qyteti të Gjilanit, bashkë me tifozë, qytetarë dhe të gjithë ata që e duna Dritën, do të festojë Titullin e Kampionit.

“Nata e Kampionëve po vjen. Pas shumë sakrifice, besimi, djersë dhe zemër në fushë, titulli vjen aty ku i takon, te Drita, te qyteti, te tifozët tanë”, thuhet në njoftim.

Sipas njoftimit, më 24 maj, Drita ka ftuar të mblidhen të gjithë për ta festuar këtë moment historik, “për t’i dhënë zë krenarisë sonë dhe për ta ndjerë bashkë emocionin e kampionëve”.

Më 24 maj, e diele, ora 21:00, Teatri i Qytetit.   /2LONLINE/