FC Drita fiton edhe në udhëtim, kualifikohet në rrethin e dytë të Ligës së Kampionëve

Skuadra gjilanase, FC Drita ka shënuar fitore edhe në udhëtim ndaj skuadrës Differdange 03. Rezultati final 2:3, derisa rezultati i takimit të parë ishte 1:0, kështu që me rezultat të përgjithshëm  4:2, FC Drita kalon tutje duke u kualifikuar për rrethin e dytë të ligës së Kampionëve, duke u bërë skuadra e parë kosovare që arrin një sukses të tillë në garën më prestigjioze të futbollit evropian.

Edhe ndeshjen e kthimit, Drita e mbylli me fitore, me golat e shënuar nga Arb Manaj (tundi rrjetën kundërshtare dy herë) dhe Veton Tusha që shënoi në fund të takimit.

Skuadra kampione e Kosovës dëshmoi edhe njëherë se është ekip për lakmi dhe se në mesin e saj ka kualitet të padiskutueshëm.

Përndryshe, në rrethin e dytë të Ligës së Kampionëve skuadra e mbështetur nga intelektualët, do të ballafaqohet me ekipin danez, FC Copenhagen.  /2LONLINE/