FC Drita dhe futbollisti Egzon Bejtullai i japin fund bashkpunimit

FC Drita njofton se ka përfunduar bashkëpunimin me futbollistin Egzon Bejtullai pas përfundimit të kontratës dy vitesh e gjysmë.

Egzon Bejtullai gjatë kësaj periudhe zhvilloi 108 ndeshje me fanellën e klubit Drita në të gjitha garat, duke dhënë një kontribut të rëndësishëm në sukseset e ekipit.

“Së bashku festuam dy tituj kampion dhe Superkupën, trofe që do të mbeten pjesë e historisë sonë të përbashkët. Klubi e falënderon Egzonin për kontributin e dhënë gjatë gjithë kësaj periudhe, duke i uruar shëndet, dhe suksese në vazhdimin e karrierës së tij”, thuhet në njoftimin e klubit “bardh e kaltër”.  /2LONLINE/