Fatos Ramadani: Për një të ardhme ku sporti do ta ketë vendin që e meriton

Fatos Ramadani, kandidat i LDK-së në garën për Asamble Komunale të Gjilanit, rininë e tij ia ka kushtuar sportit, me theks të veçantë futbollit, andaj thotë se në Asamblenë Komunale do të jetë një zë i fuqishëm për sportin, do të angazhohet që sportin e sidomos futbollin ta mbajë në agjendat e politikave komunale.

Ai ka thënë se asnjëherë nuk do të heshtet për Palestrën e Sporteve e Stadiumin e Qytetit, do të ndikojë që të ketë investime në infrastrukturën sportive, do të angazhohet që të mbështeten klubet e qytetit e të fshatrave, më tepër hapësira për të rinjtë, zhvillim të sportit shkollor e angazhime të tjera.

Fatos Ramadani, duke qenë edhe vetë i angazhuar në udhëheqje të klubeve është një njohës i mirë i sfidave me të cilat përballen sportistët, trajnerët dhe të rinjtë që kanë pasion futbollin.

Andaj, ai premton angazhim të ndershëm dhe punë të palodhur për ta bërë komunën e Gjilanit një model të zhvillimit sportiv në nivel lokal.