Fatos Ramadani është shembulli më i mirë i gjeneratës së re që beson në ndryshim dhe në punë të ndershme

Fatos Ramadani, është kandidat i Lidhjes Demokratike të Kosovës (LDK) në garën për Kuvendin Komunal të Gjilanit, në zgjedhjet e 12 tetorit.

”Angazhim me përkushtim deri në realizimin e kërkesave të komunitetit. Përfaqësim dinjitoz për të gjithë qytetarët. Përkushtim maksimal për problemet dhe kërkesat e të gjitha klubeve sportive të qytetit, duke u bazuar në përvojën time 10-vjeçare”, thotë Fatos Ramadani.

E fjalë të mëdha për të ka Arbër Ismajli, kandidati i këtij subjekti politik, për kryetar komune, i cili vlerëson se Fatos Ramadani është shembulli më i mirë i gjeneratës së re që beson në ndryshim dhe në punë të ndershme.

”I rritur me vlera të shëndosha familjare, njerëzore e shoqërore, ai vjen për të dhënë kontributin e tij në shërbim të qytetit. Me ide të qarta dhe vizion progresiv, Fatosi, synon të jetë pjesë aktive e vendimmarrjes për një Gjilan më të mirë e më progresiv”, thotë Ismajli i LDK-së.