Familjes Shemsiu i dorëzohet pllaka e emërtimit të shkollës në Zabel me emrin e Zija Shemsiu

/2L ONLINE/ – Kryetari i Komunës së Gjilanit, Lutfi Haziri, i shoqëruar nga nënkryetari Rexhep Kadriu, ia ka dorëzuar sot familjes së Zija Shemsiu pllakën për emërtimin e shkollës fillore në lagjen Zabel i Sahitagës me emrin e këtij kolosi.

Pllakën e ka pranuar vëllai i heroit Zija Shemsiu, Shabani, i cili i emociouar tha se ky është nderi më i madh që ndonjë institucion ka bërë për familjen Shemsiu.

Kryetari Haziri tha me këtë rast se kjo është më e pakta që mund të bëjnë institucionet lokale për veprën heroike të Zija Shemsiut, i cili u sakrifikua për lirinë e shqiptarëve.

Ndryshe, në shtator të këtij viti, nxënësit e lagjes “Zabel i Sahitagës” do të mësojnë në shkollën fillore me emërtimin “Zija Shemsiu”. /2L ONLINE/