Familja e mjekut të njohur internistit dhe nefrologut, Feti Hetemi, i cili humbi jetën më 19 gusht, në betejen me Covid-19, me anë të një letre kanë falënderuar të gjithë ata që ndanë dhembjen për humbjen e familjarit të tyre.
Këta të fundit kanë falënderuar edhe mantelbardhët që u përkujdesën maksimalisht për mjekun tashmë të ndjerë sa ishte në trajtim spitalor në QKUK, në këtë kohë kur vendi po përballet me pandeminë e coronavirusit, transmeton PlusTv.
LETËR FALËNDERIMI
Me rastin e vdekjes së familjarit tonë, Dr.Feti Hetemi, falënderojmë dhe shprehim mirënjohjen tonë të thellë për të gjithë ata që shprehën ngushëllime dhe ndanë me ne dhimbjen në momentet e vështira që i përjetuam.
Duam të falënderojmë krerët e komunave të Anamoravës, Sokol Haliti dhe Arbër Ismajli, deputetë nga të gjitha subjektet politike, degët e subjekteve politike në Viti, institucionet shëndetësore në Viti, shoqatat e mjekëve dhe ato humanitare, qytetarët nga e gjithë Kosova, Shqipëria, Maqedonia e Veriut dhe nga Diaspora që ndanë dhimbjen me ne, me rastin e humbjes së më të dashurit tonë Dr. Feti Hetemi.
Falënderim të veçantë për të gjithë ata që na vizituan këto ditë në shtëpinë tonë për të na ngushëlluar.
Mirënjohje të thellë për stafin shëndetësorë, që bënë të pamundurën gjatë trajtimit mjekësor ndaj prindit tonë:
Prof. Dr. Sali Ahmeti (Infektolog), Dr. Hamza Selmani (Kardiolog), Dr. Valbon Krasniqi (Drejtor i SHSKUK), Dr. Veli Rexha (Infektolog), Dr.Bujar Muqolli (Anesteziolog), Dr.Gezim Spahija (Anesteziolog), Dr. Dukagjin Berisha (Anesteziolog), Dr. Doruntina Bunjaku (Anesteziologe), Dr. Shpejtim Thaçi (Pulmolog), Dr. Murat Mehmeti (Infektolog), Prof. ass .Dr. Jeton Shatri (specialist i Radiologjisë), Dr. Hasan Rama (Mjek Familjar), Dr. Behgjet Shaqiri (Infektolog), Vjollca Kadolli (Drejtoreshë e QKMF në Viti), Ph. Melihate Hajdari (Farmaciste), Ph. Astrit Emerllahu (Farmacist).
Si dhe te gjithë stafin e Klinikes infektive dhe stafin e përkohshëm të mjekëve dhe infermiereve në Mjekësinë sportive.
Fjalët ngushëlluese dhe mbështetja e juaj, ka qenë dëshmi për solidarizimin e juaj me dhembjen tonë të madhe!
Urojmë që angazhimin dhe përkujdesin tuaj, të ua kthejmë në raste gëzimi!.
Me respekt, familja Hetemi /2LONLINE.com/
