Falënderohet mërgimtari për kontributin e dhënë në fushën e shëndetësisë
Komuna e Vitisë i ndau falënderim mërgimtarit Rashit Rashiti për kontributin e tij të dhënë në fushën e shëndetësisë.
Basri Aliu, Drejtor për Shëndetësi dhe Mirëqenie Sociale si dhe Vjollca Kadolli-Halili, Drejtoresh e QKMF-së në Viti, kanë ndarë sot një falënderim për mërgimtarin, Rashit Rashiti përmes të cilit Qendra Kryesore e Mjekësisë Familjare në Viti, ka përfituar në pranverë të këtij viti një donacion prej pajisjeve të ndryshme mjekësorë në vlerë prej 15 mijë euro.
Drejtori Aliu dhe Drejtoresha Kadolli-Halili thanë se Komuna e Vitisë ju është mirënjohës z. Rashiti, bashkëpunëtorëve të tij por edhe Klinikës “Grengettes” me seli në Gjenevë të Zvicrës për donacionin e dhënë.
