Faik Krasniqi: Koalicioni LVAN ka shumicën për formimin e institucioneve!

Kosova nuk ka nevojë të shkojë në zgjedhje të jashtëzakonshme. Zgjedhjet do të ishin zgjidhje dhe të paevitueshme vetëm në rast se asnjë koalicion nuk do t’i kishte numrat për krijimin e Qeverisë, thekson publicisti Faik Krasniqi.

Deri sa ka mundësi të formohet Qeveria, e këtë mund ta bëjë koalicioni LVAN që ka shumicën parlamentare me 63 deputetë, atëherë për teket e palës tjetër, në këtë rast koalicioni idhnak i PDK-së që nuk po arrijnë ta zgjedhin kryetarin e Kuvendit por as formimin e Qeverisë, nuk kemi pse të shkojmë në zgjedhje të jashtëzakonshme dhe të shpenzojmë miliona të tjerë – ka thënë publicisti dhe anëtari i Këshillit të ekspertëve të LDK-së, Faik Krasniqi.