EVSB mbanë fushatë të vetëdijesimit me nxënës të klasave të nënta

/2L ONLINE/ – Nën organizimin e Ekipit Veprues për Siguri në Bashkësi në bashkëpunim me Policinë e Kosovës të përkrahur nga Komuna e Vitisë, ditë më pare kanë filluar dy fushata vetëdijësuese ku kryesisht po mbahen ligjërata me nxënës të klasave të nënta të kësaj komune.

Njëra fushatë ka të bëjë me keqpërdorimin e rrjeteve sociale ndërsa tjetra rreth delikuencës. Koordinatori I EVSB-së për Komunën e Vitisë, Imri Emerllahu ndër tjerash tha se organizatorët kanë shpërndarë edhe broshura rreth këtyre temave dhe theksoi se materialet e shpërndara kanë për qëllim vetëdijesimin e nxënësve. Sipas Emërllahut kjo fushatë ka filluar me 20 prill dhe do të përfundoj në fund të këtij muaji./2L ONLINE/