Është realizuar Ushtrimi Fushor “Arrow 02”

Regjimenti i Tretë i Forcave Tokësore ka realizuar ushtrimin fushor “Arrow 02”, qëllimi i realizimit ishte validimi i skuadrave të Kompanisë A të Regjimentit të tretë, njofton Forca e Sigurisë së Kosovës (FSK).

Skuadrat janë testuar gjatë ushtrimin në aftësitë dhe kapacitetet e tyre në Operacionet Mbrojtëse, Operacionet Sulmuese, Operacionet e Stabilitetit dhe Drillet e Betejës, ku dhe pas përfundimit të ushtrimit kanë përmbushur të gjitha kriteret për validimin e tyre.

Forca e Sigurisë së Kosovës me aktivitetet e saj, trajnimet dhe stërvitjet si brenda dhe jashtë vendit, po dëshmon se është e gatshme dhe përgatitur për të reaguar bazuar në misionin e saj, në të mirë të paqes dhe sigurisë ku do që kërkohet, thuhet në njoftimin e FSK-së. /2LONLINE/