Është përsëri xhudo, Kosova me tri medalje në Maqedoni

Është mbajtur Kampionati Ballkanik U15 ne xhudo në Shkup të Maqedonisë së Veriut. Në këtë garë Kosova është përfaqësuar me gjashtë garues, tre nga të cilët u stolisën me medalje.

Laurina Gashi (-40kg) u stolis me medalje të artë, ajo fitoi gjithsejtë 4 ndeshje. Erdi Berisha (-55kg) u stolis me medalje të argjendtë, ai fitoi 3 ndeshje dhe humbi 1, atë të finales.

Sara Osmani (-44kg) u stolis me medalje të bronztë, ajo fitoi ndeshjen e parë pastaj humbi të dytën, në repasazh fitoi 3 ndeshje radhazi.

Samuel Sahara (-38kg) fitoi në ndeshjen e parë dhe pastaj humbi në të dytën. Florian Gërguri (-42kg) fitoi në ndeshjen e parë pastaj humbi në të dytën dhe humbi në repasazh.

Bleona Avdylaj (-40kg) humbi në ndeshjen e parë pastaj humbi edhe në repasazh.