Ermal Sadiku nënshkruan kontratë profesionale me SC Gjilan
Sport Club Gjilani njofton se futbollisti i dalë nga akademia e klubit, Ermal Sadiku, ka nënshkruar kontratë profesionale trevjeçare me klubin.
“19-vjeçari, i cili aktivizohet në pozitën e mesfushorit, prej kohësh është promovuar në ekipin e parë, ku me paraqitjet dhe përkushtimin e tij ka fituar besimin e stafit teknik dhe drejtuesve të klubit”, thuhet në njoftimin e klubit.
Sipas SC Gjilanit, Sadiku ka qenë një nga lojtarët që është dalluar në moshat e shkollës, ndërsa ka qenë i ftuar në disa faza përgatitore me skuadrën e parë.
“Klubi beson se Ermali do të vazhdojë të zhvillohet dhe të jetë një vlerë e rëndësishme për të ardhmen e SC Gjilanit. Urime Ermal suksese dhe shumë paraqitje me fanellën kuq e bardh”, thuhet në fund të njoftimit. /2LONLINE/