Ermal Maliqi vazhdon tutje rrugëtimin me Dritën

KV Drita (M) po vazhdon punën dhe përgatitjen e skuadrës për sezonin e ri e në këtë kuadër, drejtuesit e klubit kanë bërë me dije për vazhdimin e marrëveshjes me kapitenin e skuadrës edhe për një sezon.

“Kemi kënaqësinë të ju njoftojmë se kemi vazhduar bashkëpunimin edhe për një tjetër sezon me kapitenin e skuadrës, Ermal Maliqi”, thuhet në njoftimin zyrtar të klubit, transmeton Portali 2LONLINE.com.

Drejtuesit e klubit thonë se ishte mjaftë e lehtë të arrijnë këtë marrëveshje me këtë volejbollist, kjo edhe duke marrë parasysh faktin se Mali është produkt i akademisë së klubit dhe tani si kapiten është një nga pikat kryesore të Dritës. /2LONLINE/