Ergoterapisja amerikane që me ergoterapi ndihmon të sëmurit kosovar
(2L ONLINE) – Ergoterapistja Amerikane nga Kalifornia Jugore të SHBA mr.Dianna Ulrich tani e 15 vite gjendet në shtetin e Kosovës për të vetmin qëllim që njerëzit me sëmundje të ndryshme të gjejnë rehabilitim tek kjo ergoterapiste humanitare dhe e respektuar për të gjithë popullin e Kosovës pa dallim , feje , ngjyrë, apo etniteti.
Pas luftës së fundit ergoterapistja Dianna Ulrich kishte parë tmerrin e popullit të Kosovës dhe kishte vendosur që këtij populli t’i dalë në ndihmë në një emision humanitar në kuadër të Organizatës “Cama Serrvices”, së bashku me ,”Agape”, nga Maqedonia, duke u vendosur në qytetin e Kaçanikut , Ajo ka dhënë kontributin e saj në ndërtimin e mbi 200 shtëpive dhe shumë gjëra tjera me nevoja të veçanta për popullin e Kosovës , Ulrich duke qenë ergoterapeute, në vitin 2001 hap ordinancën e parë në Kaçanik, ndërsa në qytetin e Gjilanit kishte filluar në vitin 2005 duke dhënë një kontribut të jashtëzakonshëm për njerëzit të cilët kishin nevoja të veçanta .
Ergoterapistja Dianna Ulrich për nga natyra thotë se është shumë optimiste dhe flet gjuhën shqipe shumë rrjedhshëm , ajo ka respekt të veçantë në pacientët e sajë të cilët për çdo dit e vizitojnë në ordinancën e sajë në Gjilan . Ajo kurrë nuk dorëzohet , edhe kur nuk ka shpresë për të sëmurin ajo gjen fjalë të ëmbla duke ia lehtësuar atyre, por ajo me punën e sajë dhe me fjalët e saja të ëmbla i bën që edhe familjarët ti rikthejnë shpresat tek jeta e më të dashurve të tyre.
“Asnjëherë në jetë nuk e kam menduar se do të qëndroj kaq gjatë në Kosovë, por në kontaktin e parë që kam pasur me njerëzit e Kosovës jam, jam betuar se këtij populli kaq të mirë tërë kapacitetin tim që kam do ta shpërndajë me klientët kosovarë duke ju dhënë shpresë për jetën e tyre dhe gjerë më tani kemi pasur mjaftë suksese dhe për këtë jam shumë e lumtur”, shprehet Ulrich
Në ordinancën e saj e cila gjendet përballë Spitalit Rajonal të Gjilanit e vizitojnë mjaftë klient të moshave të ndryshme e cila ju del gjithmonë në ndihmë.
“Në ordinancën tonë pranojmë klient që kanë probleme me duar, paralizë, sëmundje mendore, e ergoterapia është që aftëson dhe riaftëson të sëmurët që kanë humbur aftësitë për punë të përditshme , apo njerëzit që kanë pasur pengesa që nga lindja e tyre , dhe ky numër për fat të keq është mjaftë i madh”, thotë ajo, për të shfaqur edhe një sugjerim.
“Ka shumë familje të cilat ngurrojnë që të afërmit e tyre me sëmundje të ndryshme, nuk i sjellin për të bërë ushtrime , familjarëve ju vije keq, por kjo gjë është shume e papranueshme, dhe është një dënim i madh për të sëmurët ti mbyllin në shtëpi, e mos t’i lejojnë ta shijojnë jetën e tyre në çfarëdo rasti qofshin ato”, thotë Ulrich.
Ulrich punon me të gjitha moshat që nga lindja e gjerë tek të moshuarit. “Ne punojmë me çdo diagnozë aftësojmë klientët për vetëkujdesje , por në të shumtën e rasteve varet edhe diagnoza e pacientit , ndërsa klientët që kanë paralizë cerebrale nga fëmijëria, ata përparojnë më shpejtë se të moshuarit, ne bëjmë edhe fizioterapi ,por ne më shumë merremi me ergoterapi , klientët të cilët janë të moshës së re, i mësojmë të lexojnë e shkruajnë, të bëjnë ushtrime fizikale , që të bëhen klientët të pavarur në punën e tyre, ndërsa personat me aftësi të kufizuara kanë anën e tyre më të fortë pasi që nëpërmjet ergoterapisë aftësohen më shpejtë”.
Diagnozat të cilat mundë të trajtohen në këtë ordinancë janë “Gjakderdhja në tru, moslëvizja e duarve, autizmi, sindromi i daunsit, paralizë cerebralit, depresioni, ngecja e çdo paralize, harresa tek të sëmurit , alzheimer, sindromi asperger, e shumsëmundje tjera.
Për të njohur më mirë ergoterapinë, apo më mirë të themi “Terapia e Punës”, pasi që në Kosovë është diqka e re, ajo është shkencë e rehabilitimit profesional të shëndetit, që nxit shëndetin dhe mirëqenien apo rikthimin e pavarësisë tek klienti nëpërmjet iniciativave dhe pjesëmarrjes në aktivitete të përditshme të çdo person i cili ka humbur aftësitë për të kryer detyra të cilat i pëlqejnë, dhe kanë kuptim për te, për shkak të sëmundjes,
Ergoterapistja nga Amerika dëshiron që dijen e saj t’ju përcjell gjeneratave të reja, në bashkëpunim me Ministrin e Arsimit të Kosovës është arrit të hapet në kuadër të Fakultetit të Mjekësisë , Fakulteti i Ergoterapisë Union QEAP – HEIMERE në Prishtinë kjo është gjenerata e dytë , ndërsa interesimi për këtë degë të re të ergoterapisë është jashtëzakonisht i madh, sipas saj .
Ulrich ka një porosi të veçantë për njerëzit të cilët kanë nevojë për këtë lloj ndihme duek thënë se ata nuk duhet të dorëzohen, se jeta është e ëmbël , ngase ushtrimet mundë t’i kthejnë të sëmurët ne jetën e rëndomtë, dhe duhet ta dinë, se shpresa, dëshira për të jetuar e mposhtë çdo sëmundje.
Përndryshe, Dianna Ulrich këtë profesion e ushtron tani e 30 vite dhe një pjesë të punës së saj, përgjatë kësaj periudhe e ka edhe në Kosovë. /2L ONLINE/