Enis Asani vishet kuq e bardh

SC Gjilani ka bërë me dije për angazhimin e futbollistit Enis Asani, në radhët e saja.

Klubi ka arritur marrëveshjen me FC Thun nga Zvicra për huazimin e futbollistit Asani me mundësi blerje në fundin e edicionit 2024/25.

“20-vjeçari, i cili luan në pozitën e mesfushorit të qendrës vjen në qytetin e tij të origjinës, derisa është mirëpritur tejet ngrohtë nga pjesa tjetër e ekipit. Asani është rritur dhe zhvilluar te skuadra zvicerane FC Thun, duke debutuar edhe si futbollist profesionist në skuadrën e parë”, thuhet në njoftimin zyrtar të klubit.

Futbollisti Asani i është bashkuar ekipit dhe është i gatshëm të ndihmojë për pjesën e dytë të kampionatit në objektivat të cilat i ka vënë klubi para vetes.  /2LONLINE/