(2LONLINE) – Klubi i Karatesë Elita nga Gjilani po vazhdon rrugëtimin e saj të suksesit pasi karateistët e saj u kthyen me rezultate të mira edhe nga dy turnire të mbajtura në Shqipëri: Turnirin “Tirana Open 2013” dhe Turnirin “Kupa e Elbasanit 2013”
Përfaqësuesit e Klubit Elita kanë bërë me dije se Elita ka marrë pjesë me gjithsej 8 garues, 4 garues kanë marrë pjesë në Tirana Open që është mbajtur në Tiranë dhe 4 garues kanë marrë pjesë në kupën e Elbasanit që është mbajtur në Elbasan.
E, trajneri i klubit Xhevat Shabani tha se garuesit e Elitës kanë treguar sukses në këto gara për arsye se kanë treguar një cilësi dhe profesionalizëm të lartë,
“Elita në këto gara ka marrë pjesë me 8 garues dhe kemi fituar gjithsej 8 medalje prej tyre 3 vende të para, 3 vende të dyta dhe 2 vende të treta”, ka thënë Shabani.
Përfaqësuesi i klubit Elita Bashkim Byqmeti ka theksuar se elitarët në këto gara kanë shkëlqyer pasi që kanë arrit të marrin medalje secili garues, “8 garues-8 medalje. Jemi kthyer me tre kampion nga Shqipëria, ky është një rezultat i mirë që tregon se KK Elita po vazhdon suksesin gjatë gjithë vitit 2013”, tha ai.
Përndryshe, në vazhdim po i paraqesim garuesit që kanë fituar medalje në këto turnire:
Turniri “Tirana Open 2013” (4 gaures):
Fortesa Orana, vendi i parë (kumite);
Ariana Byqmeti, vendi i dytë (kumite);
Meriton Byqmeti, vendi i dytë (kumite);
Flaka Halili, vendi i tretë (kumite);
Turniri “Kupa e Elbasanit 2013” (4 garues):
Puhiza Halili, vendi i parë (kumite);
Lendrit Behluli, vendi i parë (kumite);
Puhiza Halili, vendi i dytë (kata);
Nart Shehu, vendi i tretë (kumite);