Ekspertë të ECDC po qëndrojnë në IKSHPK me qëllim të forcimit të Mbikëqyrjes së Sëmundjeve Infektive

Instituti Kombëtar i Shëndetësisë Publike të Kosovës (IKSHPK) ka pritur në një vizitë dyditore, ekspertë të Qendrës Evropiane për Parandalimin dhe Kontrollin e Sëmundjeve (ECDC).

Qëllimi kryesor i këtij misioni/vizite, është vlerësimi dhe identifikimi i nevojave në mbikëqyrjen e sëmundjeve infektive, si dhe përafrimi me standardet dhe praktikat e BE-së për menaxhimin e kërcënimeve serioze ndërkufitare shëndetësore.

Vizita përfshin analiza mbi strukturat ekzistuese, legjislacionin, cilësinë e të dhënave dhe kapacitetet epidemiologjike, si dhe trajnime për raportimin në platformat e ECDC-së (EpiPulse CASES/TESSy).

Diskutimet do të ndihmojnë në përcaktimin e hapave të ardhshëm për përmirësimin e mbikëqyrjes dhe bashkëpunimit me ECDC-në. /2LONLINE/