Ekipi Veprues për Siguri në Bashkësi ka mbajtur sot mbledhje të rregullt

/2L ONLINE/ – Gjatë mbledhjes së rregullt të Ekipit Veprues për Siguri në Bashkës (EVSB) që është mbajtur sot është biseduar për çështjet e ndryshme që kanë të bëjnë kryesisht me sigurinë. Imri Emerllahu, Koordinator i këtij Ekipi ndër tjerash ka folur edhe për gjendjen e sigurisë në komunën e Vitisë.

“Gjendja e Sigurisë në komunën tonë është e mirë dhe stabile. Megjithatë ka incidente të vogla, por ne si EVSB kemi për detyrë që të bashkëpunojmë me mekanizmat përkatës që gjendja e sigurisë të mbetet në nivel të kënaqshëm në komunën tonë”, u shpreh Emerllahu.

Gjatë këtij takimi anëtarët e këtij ekipi kanë shprehur shqetësimet e tyre në lokalitetet e ndryshme si dhe për çështjet që kanë të bëjnë për sigurinë në trafik, vjedhjeve, dëmtimeve etj.

Ndërsa, Muhamet Ajeti nga Stacioni Policor në Viti, kërkoj që të bashkëpunojnë me Policinë e Kosovës duke raportuar për veprimtaritë e dyshimta dhe kërkoj që mundësisht të sigurojnë edhe dëshmi me qëllim që kryesitë e veprave të tilla të marrin dënimin e merituar para gjykatës.

Nijazi Lutfiu, Drejtor i Shkollës së Mesme Teknike Profesionale “Jonuz Zejnullahu” në Viti ndër tjerash ka kërkuar që të shikohen mundësitë që me akte nënligjore të ndalohen rreptësishtë përdorimi i celularëve.

Po ashtu gjatë këtij takimi anëtarët e këtij Ekipi kanë folur edhe rreth mbajtjes së fushatave vetëdijsuese në shkolla rreth keqpërdorimit të rrjeteve sociale ku anëtarët u pajtuan që kjo fushatë të mbahet me nxënës nga klasa e 9 deri 12. /2L ONLINE/