Edhe Vitia merr masa për parandalimin e përhapjes së virusit COVID-19

Kryetari i Komunës së Vitisë, Sokol Haliti ka thirrur sot një takim të përbashkët me drejtorët e drejtorive, policinë e Kosovës, shefave të grupeve parlamentare të përfaqësuara në Kuvendin Komunal të Vitisë dhe shoqërisë civile për të i njoftuar rreth masave që ka ndërmarrë mbrëmë qeveria e Kosovës për parandalimin e përhapjes së virusit COVID-19.

Ai gjithashtu i njoftoi ata rreth masave parandaluese që ka ndërmarrë kjo komunë me mekanizmat e ndryshme.

Haliti kërkoi nga të gjithë që të ndjekin udhëzimet që vijnë nga niveli qendror, por edhe nga Organizata Botërore e Shëndetësisë edhe pse akoma në Kosovë zyrtarisht nuk ka asnjë rast të konfirmuar të prekjes së qytetarëve nga Koronavirusi.

Kreu i Komunës kërkoi nga të gjithë që të jenë të përgatitur pasi që kjo pandemi veç se ka arritur edhe në shtetet me të cilën kufizohet Kosova.