Edhe tre volejbollistë vazhdojnë tutje rrugëtimin me Dritën

Klubi i Volejbollit Drita ka njoftuar se talentet e këtij klubit, Kejsan Mavriqi, Mal Devaja dhe Lir Jusufi, do të vazhdojnë të jenë pjesë e skuadrës së parë edhe për sezonin e ri.

“E ardhmja vazhdon të ndërtohet me talentet tanë”, thuhet në njoftimin e këtij klubi.

Sipas drejtuesve të klubit “bardh e kaltër”, këta lojtarë të rinj kanë treguar përkushtim, disiplinë dhe potencial të madh, duke fituar besimin e stafit dhe vendin e tyre në ekipin e parë.

“Vazhdimësia e tyre është dëshmi e punës së mirë dhe investimit në gjeneratat e reja të klubit. KV Drita vazhdon të ndërtojë të ardhmen mbi talentin vendor, me synime të qarta për suksese edhe më të mëdha në sezonin që na pret”, thuhet në fund të njoftimit. /2LONLINE/