Edhe sot moti do të jetë kryesisht me diell

Sipas Intitutit hidrometeorologjik të Kosovës, sot do të mbajë mot kryesisht me diell, pra do të kemi mot të ngjashëm me të shtunën, por me rritje të lehtë të temperaturave maksimale, si pasojë e forcimit të insolacionit dhe vazhdimit të kushteve të qëndrueshme.

Vranësirat do të jenë më të theksuara në zonat malore, për shkak të proceseve orografike dhe zhvillimeve të dobëta konvektive gjatë pasdites.

Temperaturat minimale do të lëvizin ndërmjet 3–5°C, ndërsa ato maksimale të ditës pritet të arrijnë vlera ndërmjet 19–22°C.

Do të fryjë erë e lehtë deri mesatare, me drejtim të ndryshueshëm. /2LONLINE/