Edhe një aksion tjetër qytetar në Velekincë, ngjyrosen shtyllat përgjatë trotuarit

Pasi ditë më parë kishin ndërmarrë një aksion për pastrimin e ambientit, anëtari i Kuvendit Komunal të Gjilanit, Fadil Ademi, ka bërë me dije se, bashkë edhe me disa qytetarë tjerë, në Velekincë të Gjilanit, i ngjyrosën shtyllat përgjatë trotuarit, duke e bërë këtë hapësirë më të bukur, më të dukshme dhe më të sigurt për këmbësorët.

Sipas Ademit, kjo nismë nuk ishte vetëm për pamjen e vendit, por edhe për sigurinë e qytetarëve, pasi ngjyrosja e shtyllave ndihmon që ato të dallohen më mirë gjatë natës, duke lehtësuar lëvizjen e këmbësorëve në trotuar dhe duke kontribuar në një komunikacion më të sigurt për të gjithë.

“Faleminderit secilit që u bë pjesë e këtij aksioni me punë dhe përkushtim. Mirënjohje e veçantë për Biti Bau, që na siguroi materialet dhe pajisjet e nevojshme për ta realizuar këtë nismë. Kur bashkohemi për të mirën e përbashkët, çdo punë bëhet më e lehtë dhe çdo ndryshim ka më shumë vlerë”, ka thënë Fadil Ademi, anëtar i Kuvendit Komunal të Gjilanit.  /2LONLINE/