Edhe Nisma pro anulimit të protestës

Nisma për Kosovën ka lëshuar një komunikatë për media pas largimit të ministrit Aleksandër Jabllanoviq nga Qeveria.

Sipas këtij subjekti politik duke pasur parasysh faktin se njëra nga kërkesat e protestës, që ishte largimi i ministrit Jabllanoviq nga qeveria është plotësuar, konsiderojmë se qëllimi i protestës është arritur, prandaj sa i përket kësaj çështje nuk ka nevojë që më të dilet në protestë.

“Ndërsa sa i përket kërkesës së dytë, çështjes së Trepçës, presim që qeveria të reflektojë dhe ta sjellë ligjin sa më shpejt në parlament”, thuhet në komunikatën e Nismës.