Edhe në Sadovinë të Muhagjerëve nisë projekti i asfaltimit të rrugëve të lagjeve

/2L ONLINE/ – Në Sadovinë të Muhaxherëve, ka filluar asfaltimi i rrugëve që lidhin rrugën kryesore të fshatit me objektin e shkollës fillore , si dha i lagjes “Turjana”. Kryetari I Komunës , Sokol Haliti, gjatë vizitës që i ka bërë Sadovinës së Muhagjerëve , ku ka biseduar nga afër edhe me qytetarët e këtij lokaliteti, ka thënë se zbatimi i projekteve si ky i asfaltimit të lagjeve në këtë fshat, është në vazhdën e angazhimeve të institucioneve komunale, që banorëve t`iu ofrojë shërbime sa më të mira dhe t`iu lehtësoi jetën pavarësisht se ku jetojnë ata.

“Asfaltimi rrugës që lidhë fshatin me shkollën , është një nga projektet më të veçanta që po i realizojmë apo do ti realizojmë në Sadovinë, pasi përmes këtij projekti u lehtësojmë qarkullimin fëmijëve që ata më lehtë të vijnë tek objekti i shkollës”, ka thënë kryetari Haliti.

Ai ka theksuar se krahas këtij projekti në Sadovinë të Muhagjerëve janë në realizim e sipër edhe projekti I asfaltimit të rrugës “Turjana” si dhe ai për lidhjen mes këtij fshati dhe fshatit Tërstenik. “Në Sadovinë së shpejti do të finalizojmë edhe projektin e ujësjellësit, projekt ky që siguron ujin e pijes jo vetëm për këtë fshat por edhe për katër fshatra tjera përreth”, është shprehur kryetari Haliti.

Banorët e Sadovinës, i janë shprehur mirënjohës kryetarit Haliti si dhe institucioneve komunale për mbështetjen që po I japin këtij lokaliteti, pasi sipas tyre gjithë këto projekte që po realizohen tani apo do të realizohen në të ardhmen, ishin të domosdoshme për fshatin. /2L ONLINE/