Edhe në Kamenicë Shënohet Dita Botërore Kundër Duhanit

/2L ONLINE/ – me rastin e 31 maji – Ditës Botërore kundër duhanit, Nazmije Demolli – Kastrati, koordinatore e Njësisë Komunale për të Drejtat e Njeriut(NJKDNJ), Bajram Mavriqi, përgjegjës i sektorit të rinisë në DKRS-së dhe Margarita Rashiti, kryetare e këshillit të veprimit rinor lokal (KVRL) organizuan sot, një aktivitet të përbashkët vetëdijesimi duke i’u shpërndarë fletëpalosje qytetarëve të Kamenicës.

Dita Botërore kundër Duhanit, është një rast i mirë për të zhvilluar fushatën anti duhan, duke i informuar qytetarët për dëmin që i’a shkakton shëndetit konsumimi i tij.

“Kjo ditë, është shpallur nga vendet anëtare të Organizatës Botërore të Shëndetësisë, prej vitit 1987, ku vendet anëtare të OBSH-së, u përpoqën të sensibilizojnë opinionin mbi dëmet dhe rreziqet e duhanit dhe të inkurajojnë reduktimin e prodhimit dhe konsumit të duhanit. Për këtë arsye, çdo vit propozohet një slogan mbi luftën kundër duhanit”, theksoj ndër të tjerat Nazmije Demolli-Kastrati,

Sipas inspektorëve komunal ligji për ndalimin e duhanit në vende publike të mbyllura në komunën e Kamenicës, po zbatohet kënaqshëm në krahasim me komunat tjera.

Ata njoftuan se në Gjykatën Komunale, janë dërguar rreth 40 fletëparaqitje për ata duhanpirës që nuk e kanë respektuar ligjin. Andaj, edhe synimi i këtij aktiviteti ishte që të informohen qytetaret e komunës sonë për dëmet që shkakton pirja e duhanit, si dhe për vetëdijesimin për të mos konsumuar atë. Njëherësh, njoftimi edhe për gjobat që i presin ata që bien në kundërshtim me ligjin në fuqi. /2L ONLINE/