/2L ONLINE/ – Sot, në ambientet e Spitalit të Përgjithshëm të Gjilanit është shënuar Dita ndërkombëtare e Infermierisë. Pjesëmarrës në këtë manifestim përveç kuadrit të mesëm infermierik dhe menaxhmentit ishin edhe, Fetije Huruglica-Shefe e divizionit të infermierisë, Lirije Beqiri- Kordinatore QEVI-t, Naser Rrustemaj- Kryetar I odës së Infermierisë
Të arriturat e Infermierisë së Gjilanit i prezantuan Xhavit Ramadani dhe Sadije Ismaili, ku ata prezantuan të arriturat dhe sukseset e Infermierisë gjatë një viti.
Dr.Nysret Hajrullahu-Drejtor klinik I këtij spitali, falënderoi Infermieret për angazhimin dhe punën e palodhshme dhe me përkushtim. Për të pranishmit u shtrua edhe një koktej rasti.
Përndryshe, motoja ndërkombëtare për ditën ndërkombëtare e infermierisë, për vitin 2015 është “Një forcë për ndryshim”. /2L ONLINE/