/2L ONLINE/ – Forca e Sigurisë së Kosovës, më datë 25 nëntor 2016, duke filluar nga ora 10:00 deri në ora 14:00, organizon “Ditën e Hapur’’ për nderë të “,Ditës së Forcës’’, e që do të bëhet në të gjitha kazermat si në: Prishtinë, Mitrovicë, Istog, Gjilan, Prizren, Ferizaj dhe Pomozotin. Vizitorët do të kenë mundësi të shohin pajisje, ambiente si dhe aktivitete të ndryshme të cilat dëshmojnë kapacitetet e FSK-së.
Për ta festuar së bashku Ditën e Forcës, pra edhe në Gjilan do të organizohet kjo ditë dhe Afrim Xhelili, oficer në Batalionin e Parë të Brigadës së Reagimit të Shpejt të Forcës së Sigurisë së Kosovës, në emër të pjesëtarëve të Batalionit të Parë i cili është i vendosur në Gjilan, njofton qytetarët, por njëkohësisht edhe i fton ata që në këtë datë të shënuar, pra të premten, duke filluar nga ora 10:00 deri në ora 14:00, janë të mirëpritur në kazermën e FSK-së “NEWBORN” në Gjilan. /2L ONLINE/
