Edhe në Gjilan është mbajtur trajnimi për “Praktikat edukative në zhvillimin normal të fëmijëve”

Edhe në Gjilan është mbajtur trajnimin për “Praktikat edukative në zhvillimin normal të fëmijëve”, ku ligjëruese ishte znj.Rosita Rudin-pedagoge dhe psikologe për fëmijë dhe znj.Drita Ibrahimi -Shabani nga Qendra për Punë Sociale -Zvicër .

Arta Haziri – Nuhi, anëtare e Kuvendit komunal të Gjilanit ka bërë me dije se qëllimi i këtij trajnimi ishte fokusuar në mënyrat e sjelljes së edukatorëve, punëtorëve shëndetësor dhe prindërve në kujdesin ndaj fëmijëve, si në aspektin social, emocional, fizik dhe psikik të fëmijëve.

Temat më kryesore që u trajtuan janë: Parakushtet për një zhvillim të shëndetshëm, formimi i lidhjes, nxitja e fushave të ndryshme të zhvillimit, roli i prindërve, lidhja “jeta” për tërë jetën…

Trajnimi ishte falas dhe u mbajt në Sallën e Kuvendit Komunal në Gjilan. Në këtë trajnim për pjesëmarrëset u shpërndanë broshura falas. Morën pjesë infermiere, nëna,edukatore të çerdheve, punëtorë social si dhe të tjerë të interesuar.

“Jam shumë e lumtur që kam mundur për të realizuar këtë trajnim në Gjilan pasi që kemi shumë nevojë për këso trajnime, po ashtu desha që t’i falënderoj kryesuesen e Kuvendit Komunal, Shpresa Kurteshi – Emini, kryesuesen e Grave Teuta Syliqi, për bashkëpunim dhe të gjithë gratë pjesëmarrëse në këtë trajnim. Shpresoj që do të mund të realizohen prapë trajnime të tjera”, ka thënë Arta Haziri – Nuhiu.