Edhe në Gjilan do të mbahet marsh sensibilizues kundër kancerit të gjirit

Drejtoria e Shëndetësisë dhe Mirëqenies Sociale, në bashkëpunim me Qendrën Kryesore të Mjekësisë Familjare, organizon marshin sensibilizues në kuadër të fushatës për ndërgjegjësimin dhe luftën kundër kancerit të gjirit.

Me datë 06.10.2026 ( e Martë)

Ora 12:00 – Grumbullimi para Teatrit të Qytetit

Pas grumbullimit, në ora 12:00, do të nisë marshi sensibilizues, i cili do të vazhdojë nga Teatri i Qytetit deri te objekti i QKMF-së.

Pas përfundimit të marshit, në Qendrën e Trajnimeve, në katin e dytë të QKMF-së, do të mbahet hapja e fushatës sensibilizuese, me mesazhe të rëndësishme për parandalimin, kontrollet e rregullta dhe rëndësinë e diagnostikimit të hershëm të kancerit të gjirit.

Kjo fushatë synon të rrisë ndërgjegjësimin dhe të inkurajojë çdo grua që të kujdeset për shëndetin e saj dhe të mos e shtyjë kontrollin.

“Diagnostikimi i hershëm shpëton jetë”

Bashkohuni me ne! Le të ecim së bashku për një mesazh që mund të shpëtojë një jetë.