Edhe Medvegja përshëndet hapjen e pikëkalimit në “Kapi”
Zëvendëskryetari i komunës së Medvegjës në largim, Florim Sahiti ka përshëndetur sot marrëveshjen e arritur me 21 prill në Bruksel ndërmjet Beogradit dhe Prishtinës për hapjen e pikëkalimit të ri kufitar në komunën e Medvegjës.
“Ky është sukses i bisedimeve tona me Ministren për dialog, zonja Edita Tahiri dhe rezultat i përpjekjeve të përbashkëta me përfaqësuesit e komunës së Kamenicës”, tha Sahiti.
Gjithashtu, ia vlen të përmendet edhe takimi i fundit i organizuar me 11 prill në pikëkalimin “Kapi” ku ishin prezentë përfaqësuesit e komunave Medvegjë dhe Kamenicë, homologët Florim Sahiti dhe Fatmir Matoshi me bashkëpunëtorë për t’i dhënë mbështetje iniciativës për hapjen e këtij pikëkalimi.
Se marrëveshja për hapjen e pikëkalimit të ri në Medvegjë tashmë është arritur ka konfirmuar edhe kryeministri i Serbisë, Alleksandar Vuçiq pas takimit të djeshëm në Bruksel. (mepress.info)