Edhe maturantët gjilanas i nënshtrohen Testit të Maturës

Sot është mbajtur Testi i Maturës Shtetërore edhe për nxënësit e klasave të XII-ta në Komunën e Gjilanit.

“Në test kanë marrë pjesë gjithsej 1122 nxënës, ndërsa procesi i testimit është zhvilluar në 9 Qendra Testimi. Mbarëvajtja e testimit ka qenë e rregullt dhe pa incidente serioze”, thuhet në njoftimin e Drejtorisë Komunale të Arsimit.

Kjo Drejtori ka falënderua të gjithë administratorët, mbikëqyrësit dhe personelin e angazhuar për kontributin dhe përkushtimin e treguar gjatë realizimit të këtij procesi.

“DKA u uron të gjithë nxënësve suksese dhe rezultate sa më të mira në Testin e Maturës Shtetërore, si dhe mbarësi në rrugëtimin e tyre akademik dhe profesional”, thuhet në njoftimin e DKA-së. /2LONLINE/

S