Edhe kjo javë pa dimër!

Sipas Institutit Hidrometeorologjik të Kosovës (IHMK) as gjatë javës nuk do të kemi dimër në Kosovë. Mbi vendin tonë, deri të mërkurën, do të mbajë mot kryesisht i vranët dhe me reshje të herë pas hershme të shiut.

Vlera minimale e temperaturës do të luhatet nga 3C deri 5C celsius, kurse maksimalet e ditës do të luhaten në mes 7C deri 9C celsius. Do të fryj erë nga veriu dhe verilindja me shpejtësi 1-6m/s.

Nga dita e enjte e deri të dielën, IHMK, thotë se do të mbajë mot me diell dhe vranësira të shpërndara.

Mëngjeset do të shoqërohen me ngrica të lehta. Vlera minimale e temperaturës do të luhatet nga -2C deri 0C celsius, kurse maksimalet e ditës do të luhaten në mes 5C deri 7C celsius. Do të fryj erë nga juglindja e lehtë dhe mesatare, thuhet në raportin e IHMK-së.