Edhe Gjykata e Apelit në favor të Hajdarit
/2L ONLINE/ – Ish drejtori ekzekutiv i Spitalit Xhavit Hajdari thotë të jetë quar shumë pluhur për asgjë, rreth rastit të akuzës ndaj tij për shpërdorim të pozitës zyrtare ose i autorizimit, (rasti i participimit të pacientëve), sepse e drejta përherë triumfon dhe kohë më parë edhe Gjykata e Apelit – Departamenti për Krime të Rënda, e ka vërtetuar këtë, thotë ai, duke e refuzuar ankesën e Prokurorisë Themelore të Gjilanit si të pabazuar, kundër aktgjykimit të Gjykatës Themelore, të datës përkatëse, të cilën e ka vërtetuar duke e dhënë për këtë edhe arsyetimin.
Me aktgjykimin e Gjykatës Themelore Hajdari ishte liruar nga akuza për shkak se nuk ishte provuar se ai në cilësinë e të akuzuarit e kishte kryer veprën penale për të cilën akuzohej. Por, kundër këtij aktgjykimi kishte ushtruar ankesë Prokuroria Themelore që kishte propozuar anulimin e aktgjykimit të ankimuar dhe lëndën të rikthej në rigjykim, por është refuzuar si e pabazuar nga Gjykata e Apelit, e cila ka vërtetuar aktgjykimin e ankimuar.
Rasti ka të bëjë lidhur me inkasimet e mjeteve financiare nga pacientët pas një vendimi (shkurt 2010), qe kishte marrë Këshillit Drejtues, e drejtor ekzekutiv kishte qenë Xhavit Hajdari. Mjetet e inkasuara nga pacientët ishin dërguar në llogari të Ministrisë së Shëndetësisë, ku pastaj një pjesë e tyre iu janë kthyer Spitalit, për përmirësimin e gjendjes materiale të Spitalit, që të mund pastaj të ofrohen shërbime sa më cilësore për pacientë…
Për më tepër shih të plotë vendimin e Gjykatës së Apelit:
