Edhe futbollisti Leon Miftari vesh fanellën e SC Gjilanit

Sport Club Gjilani bënë me dije se ka arritur marrëveshje me futbollistin Leon Miftari për të qenë pjesë e kuqebardhëve deri në verën e vitit 2026.

Miftari vjen nga radhët e klubit të Ramiz Sadikut, derisa ishte pjesë e të rinjve të 2 Korrikut në rrugëtimin kualifikues në Ligën e Kampionëve, duke shënuar tre gola.

“18-vjeçari luan në pozitën e sulmuesit të krahut dhe me talentin e tij do të jetë një aset i rëndësishëm për ekipin tonë në rrugëtimin drejt sukseseve të reja, prandaj i themi mirë se vjen Leon”, thuhet në njoftimin zyrtar të SC Gjilanit.  /2LONLINE/